Цагаан сартаа бэлтгээд, цай сүүгээ дээжлээд л "хаварын тэргүүн сарын шинийн нэгэн" гэдэг өлзий дэмбэрэл бүрдсэн учралт сайн өдрийг зөгнөн байцгаана. За баахан оршил хийцэн шүү. Ингэхээрээ л цаадах чинь шүүмжлүүлдэгийн. Оюутан байхдаа сэминаар дээр юм ярих, илтгэл тавих гэж оршилдсоор байгаад баахан загнуулдагсан багш нартаа. Сүүлдээ нөгөө хэд чинь энэ ингэдгийн гэсэн шиг тоохоо байгаад л сонсдог болсонсон. Энэ яах вэ.

Нэг зүйлийн талаар бичих гэж байгаагаа таг мартсан байна. "Блогчин болсон түүх" нэр өгсөн чинь хаанаас эхлэхээ мэдкүү л будлиад оршилдоод байгаа нөхөр байна шүү дээ би. Дээрх зураг дээрх шиг би ээжийнхээ мээмнээс гараагүй, аавынхаа гараас холдоогүй байхдаа блогчин болсон гэж худлаа ярихгүй л дээ. Тухайн үед компуучир гэж юу байдаг, интернээт гэж чухал алин болохыг ялгахгүй нялк бацаан байлаа.

9-р ангидаа мэдээлэл зүйн олимпиад гээд нэг шалгалтанд ороод хамгийн сүүлийн байранд нь ороод л онигоо болох шахаад л явдагсан. Хөөрхий зоригт8. Компуучир дээр тээкст шивэхээс цаашгүй л мэдлэгтэй байв.

Оюутан болоод их зүйл сураваа. Вөөрд гээд репээраат, бие даалт шивдэг праграамыг хурдан гэгч нь сурав. хэ хэ. инээдтэй. Тухайн үед ингэж л боддог байсан юм даа. Тэгээд дараа нь эксээл, поворпойнт, паблишир, аксээс гээд л сураад л байсан юм шиг байгаан. Нэг л мэдсэн эднарыг арван хуруу шигээ мэддэг болцон байдийн. Хачирхалтай.

Тэгээд дараа нь яахуу мээсэнжир, интэрнээт, гүүгэл гээд л жоохон сурч эхлэв. Оюутан байхдаа энэ хэмжээний мэдлэгтэй байсийн. Блоог гэж юу болох, блогын ач холбогдол, учир начрын талаар А ч үгүй байв. Их сургууль төгссөн гэхэд энийг мэдэхгүй байна гэдэг тэнэг хэрэг юм шиг боловч над шиг зөндөө хүн иймэрхүү л төгсдөг юм даа.

Тэгээд өнгөрсөн оны 8 сард шинэ ажилд оров сургуулиа төгсөөд. Банжигаар тэнэж яваад гаамп ахын гажиг блог, игагын марзан блог, амараа ахын ёгт блогоор тогтмол орж гардаг болов. Үнэхээр таалагдсийн. Уншаал дотроо инээгээл, мэдээлэл аваал үнэхээр татагдав. Тэгээд банжиг дээр блог нээв. Ийх зовсоон. HTML гэж юу болох, вижит гэж яадаг эд болох, feed гэдгийг хэрхэн хэрэглэх гээд л блогоо нээчээд бараг сар гаруй эдгээрийн талаар мэдээлэл авахад цагаа барав. Тэгээд удирдахад арай хялбараар нь дэлхий нэт дээр мэргэжилдээ зориулан блог нээгээдэхсэн чинь нэлээд шинэлэг, Монголдоо бараг ганцхан блог болчив. /Өөрийгөө магтав. / Тэгээд урам ороод л энд тэндхийн блог сайт болгон дээр өөрийн гэсэн блогтой болов. Хөөрүү гэж жигтэйхэн. Энд тэндээс копи паст хийгээд л, ангилаад, зураг оруулаад нэг мэдсэн 7 блогтой болсон байв. Мэдрэл амьтан шүү би гэж...

Сүүлдээ бичих ч зүйлгүй болж аргаа барав. Орондоо оруут л блогтоо юу нэмэх, юуны талаар бичих бөөн бодол бодогдоод л. Зүүдэндээ хүртэл янзан бүрийн блогын бичлэг, уншсан зүйлээ зүүдлээл .. Балай амьтан.

Тэгээд л цөөн хэдэн чанартай блогтой байхаар шийдэж эхнээс устгаж эхлэв. Gogo.мн дээрх блогоо устгав. Дараа нь минийх дээрхээ утсгав. Тэгээд дараа нь wordpress дээрхээ хүртэл устгаж хаяв. Яагаад ч юм бэ банжиг дээрхээ, дэлхий нэт дээрхээ би устгаагүй юм.

Ингэж л мань хүн блогчин болсон түүхтэй Зоригтой хүү дээ.

Эцэст нь санал зөвлөмж маркаар хэдэн зүйл шинэхэн блогчиддоо хэлий.

1. Блог нээхээсээ өмнө удаан хугацаанд, чанартай блог бичиж байгаа блогчидын блогоор орж туршлага судал, бичлэгийн хэв маяг, өнгө аяс, дагнасан эсэх, блогын загвар стийл, хэв маяг ямар байгааг сайн хар, судал.
   
2. Хэзээ ч зохиогчийн эрхгүйгээр копи паст хий. Ер нь эх сурвалжтай байсан ч блогтоо хүний юм хэзээ ч копи хийж тавь. Дэмий дээ бараг. Өөрийн бичсэн, өөрийн оюун ухаанаар бичигдсэн туурвигдсан зүйл үнэ цэнэтэй шүү дээ.
   
3. Блогын бичлэг болгон дээрээ утга агуулгыг нь илэрхийлэх зураг, хөрөг, пикчур тавьж байвал зүгээр шүү. Энэ нь бичлэгт амь оруулаад зогсохгүй ихээхэн өнгө үзэмжтэй харагдуулдагийн.
   
4. Бас блогын талаар жоохон мэдлэг мэдээлэлтэй байх хэрэгтэй. Хэрхэн удирдах, яаж юм нэмэх, яаж устгах гээд л IT-гийн болон кодны боловсрол их хэрэг болдогийн. Би л лав энийг сурах гэж хэдэн сар болсон. Одоо ч зарим нэгэн мэдкүү зүйл байдийн нуугаад яахав.
5. Өөрийн гэсэн өнгө аястай бай. Бичлэгийн болоод үзэл бодлын. Хүнийг хэзээ ч битгий дуурай. Чи бол тэр биш. Өөрөөрөө л бай.

Нээх лаг ч юм шиг баахан зөвлөмж заавар өгчихлөө. За тэгээд залуухан блогчин Зоригт8 блогчин болсон нь ийм л урт ч биш богино ч биш түүхтэй дээ. Отгон блогчиддоо амжилт хүсий. Ууган блогчид, акулууддаа хэлэхэд бидэнд дандаа тусалж, дэмжиж, өргөж, хүндэлж байгаарай. Та бүхнээс их зүйл сурсан шүү. Цаашид ч сурах биз.

Блогчин болоход Амархаан. Блогчин байхад л хэцүү.