Бүх зүйлээр хамгийн хамгийн. Хамгийн их зав чөлөөтэй, хамгийн их иддэг, хамгийн хүүхэмсэг, хамгийн сайхан ааштай, хамгийн идэвхитэй, хамгийн архичин гээд л...

Миний аз жаргалын диваажин бол Дотуур байр минь...Орон гэр болсон тасагаас гадна охид холхисон коридор, тамхи нэрсэн харчуул, хоол үнэртсэн хөршүүд, хамараа наасан Би энд амьдарна. Дотуур байрандаа ирж унтахыг ямар их хүсдэг байваа нойр хүргэсэн хичээлүүд дээр. Сайхан амттай хоол идэхийг ямар их хүсдэг байваа ойлгомжгүй лекцүүд дээр. Шүлсээ гойжуулаад ширээ дэрлээд унтахдаа багшийгаа зүүдлэн амгалан нойрсдог байлаа. Аяа...

Амьдралд бэлтгэдэг энэ л дотуур байранд жинхэнэ шилдэг, мундагууд амьдан суудаг байсийн. Хамгийн их ном уншдаг нь, хамгийн их хичээл хийдэг нь, хамгийн их спортоор хичээллэдэг нь,хамгийн их охин эргүүлдэг нь, хамгийн сайхан дуулдаг нь, хамгийн их архи уудаг нь, хамгийн их дурладаг нь гээд л...Хамгийн хамгийнууд цугларсан хамгийн сайхан диваажин бол яахын аргагүй Дотуур байр. Энд чинь хүнтэй харилцаж сурах, өөрийгөө хөгжүүлэх, бие даан амьдрарч сурах, санхүүгийн хэрэгцээгээ тохируулж сурах, хоол унд хийж сурах, амьдралын ханиа олох гэхчлэн ирээдүйн эздийг энд үйлдвэрлэдэг юм.

Тасагтаа бас зүгээр байхгүй 7 хоногуудыг өөрсдийгөө хөгжүүлэх өдөр болгон зарлаж хичээллэдэг байлаа. Ном унших өдөр, илтгэх урлагаар хичээллэх өдөр, мэдээллийн өдөр, мэргэжлийн хичээлдээ шамдах өдөр, англи хэлээр ярих өдөр, шоу цэнгээний өдөр хэмээн нэрлэж шилдэг оюутан байх гэж хичээдэг байв. Инээдтэй нь тухайн өдөртөө үүргээ биелүүлээгүйг нь шийтгэнэ. Ёстой гоё.