Америкийн нэгдсэн улсын анхны сансрын нисгэгч эмэгтэй Eileen Collins НАСА-г орхиж байгаагаа мэдээлжээ. Энэ талаар АНУ-ын сансрын агентлагаас энэ Даваа гаригт зарласан байна. Тэрээр энэ жил 49 настай бөгөөд НАСА-г орхиж илүү сонирхолтой зүйлд цагаа зарцуулж, мөн гэр бүлийнхэнтэйгээ өнгөрөөхийг хүсэж байгаа ажээ.

Хүүхэд залуучуудын тэсэн ядан хүлээж буй Play Station 3 тоглуулагчийн үнийн талаар хэд хэдэн таамаглал гараад байгаа ажээ. Шинжээчдийн таамаглаж байгаагаар уг тоглуулагч 399 долларын үнэтэй байх бололтой. Гэвч уг 60 гега байтын дисктэй тоглуулагчийн үнэ одоог хүртэл тодорхой биш байна.

Орос улс энэ Мягмар гаригт Израйл улсад зориулсан нэгэн хиймэл дагуул хөөргөжээ. Энэхүү дагуулын тусламжтайгаар Израйлчууд Ираны цөмийн программыг тагнах зориулалтай бүтээгдсэн хэмээн Израйл улс мэдээлж байгаа юм байна. Уг Eros B хиймэл дагуул амжилттай болсон талаар Оросын сансрын хүчний ажилтан Alexei Kuznetsov мэдээлжээ.

Microsoft интернэтийн тэргүүлэх компаниас өөрийн интернэт хөтчийн Internet Explorer 7 бета хувилбараа гаргаад байгаагаа зарлажээ. Уг хувилбарыг хэрэглэгч бүхэн төлбөргүй татаж авч, хэрэглэж болох юм. Уг бета хувилбар энэ жилийн дотор гараад байгаа гурав дахь хувилбар нь болж байгаа билээ.

Apple Computer компани өчигдөр албан ёсоор 17 инчийн MacBook Pro нөтбүкийг гаргаад байгаагаа зарлажээ. Уг нөтбүк ирэх долоо хоногоос гадны орнуудруу тээвэрлэгдэж эхлэх юм байна. Маш олон хэрэглэгчид уг 17 инчийн MacBook Pro нөтбүкийг худалдаанд гарахыг хүлээж байсан юм.

Opera Software-ээс интернэт хөтөч Opera-гийн шинэ хувилбар болох Opera 9 бета хувилбарыг гаргаснаа зарлажээ. Энэ талаар уг компанийн захирал Jon S. von Tetzchner хэлэхдээ "Бид Opera 9 бета хувилбарыг албан ёсоор хэрэглээнд гаргаж байгаадаа тун их баяртай байна." хэмээжээ. Уг хөтөч нь сүүлийн үед ретинг нь нэлээд дээшилж байгаа юм.

Sony өөрийн PlayStation 2 (PS2) тоглуулагчийн үнийг бууруулжээ. Ингээд уг тоглуулагчийг 149 доллараар худалдан авдаг байсан Америкийн хэрэглэгчид одооноос эхлээд 129 доллараар худалдан авдаг болох юм байна. Уг маркетингийн бодлогороо компани PS3-ыг 11-р сард худалдаанд гархаас өмнө амжиж борлуулалтыг дээшлүүлэхийг зорьсон бололтой.

AppleInsider-ын мэдээлж буйгаар бол хүмүүсийн тэсэн ядан хүлээж байсан MacBook Pro нөтбүк тун удахгүй гарах гэж байгаа бололтой. Apple уг чанарын өндөр тодорхойлолт бүхий уг нөтбүкийг National Association of Broadcasters чуулган дээр танилцуулахаар зэхэж байгаа ажээ.

Noele хэмээх жирэмсэн роботыг Gaumard бүтээсэн бөгөөд үнэ өртөг нь 20 мянган долларт хүрч байгаа ажээ. Энэхүү роботыг Америкийн эмч нар дадлагын материал болгон хэрэглэх юм байна. Учир нь жил бүр төрөлтийн үеийн буруу үйл ажиллагаа, дутмаг дулимаг байдлаас болж эх үрийн эндэгдэл гарах нь их байдаг гэнэ.

АНУ-ын Худалдаа болоод патентын газраас Google Inc-ын дуут хайлтын системийнх нь эрхийг баталгажуулжээ. Ингээд бид хайлтын асар том систем бүхий Google-аас зөвхөн файл, зураг, мэдээлэл гэлтгүй дуут бичлэгийг ч мөн хайх боломжтой болох нь.

Google та бидэнд өөрсдийн шинэ үйлчилгээгээр бэлэг барьж, мөн интернэтэд ажиллах боломж, нөхцлийг улам бүр амархан болгож өгч байдаг. Тэгвэл энэ удаад нэр хүндтэй компани өөрийн календарийг гаргаад байгаа гэнэ. Уг Календарийн тусламжтайгаар бид компьютертээ өдөр дутмын амьдралаа хялбархан төлөвлөж болох юм.

Бидний өдөр дутам хэрэглэж байдаг зүйл бол мессенжер. Бид Google-ийн, Yahoo-гийн гээд болон компанийн мессенжер клиентүүдийг хэрэглэж байдаг. Тэгвэл хамгийн шилдэг үйлчилгээтэй мессенжер бол MSN ажээ. comScore Networks-ын судалснаар MSN Messenger-ийг энэ 2-р сарын байдлаар гэхэд л дэлхийн даяарх ийм төрлийн үйлчилгээг хэрэглэдэг хүмүүсийн 61 хувь нь сонгон хэрэглэж байдаг гэсэн тооцоо гарсан байна.

Дэлхийн хамгийн нимгэн гар утасны өрсөлдөөн зах зээл дээр илт явагдаж байна. Хамгийн сүүлчийн мэдээлэлээр Samsung-аас гаргасан шинэ загварын X828 гар утас хамгийн нимгэн гар утас болж байгаа бөгөөд ердөө 6.9 мм-ийн зузаантай ажээ.

Сүүлчийн үеийн AppleInsider-ийн мэдээлэлээс үзэхэд тэдний дараагийн гол зорилго нь та бидэнд онц хэрэгтэй байдаг Apple Remote Desktop 3.0 бэлэн болоод байгаа ажээ. Компани уг Desktop-ыг удирдах Apple Remote Desktop 3.0 програмаа гаргахад бэлэн болоод байгаа юм байна.

НАСА энэ долоо хоногт анхны сансрын хөлгөө хөөргөснөөс хойш 25 дахь жилийнхээ ойг тэмдэглэж байгаа ажээ. Одоогоос 25 жилийн өмнө 4-р сарын 12-нд анхны хөлгөө хөөргөж байжээ. Энэхүү ойгоо тэд "мөнгөн ой" хэмээн нэрийдэж байгаа юм байна. Өнгөрсөн 25 жилд сансарт ниснэ гэдэгт тийм ч аюулгүй явдалд тооцогдож байгаагүй.