Билл Клинтон: Хиллари агуу Ерөнхийлөгч болно

Шинэчлэгдсэн: 2008-01-14 10:55:37 УБ

АНУ-д Ерөнхийлөгчийн сонгуулийн өмнөх сунгаа явагдаж байна. Өнгөрсөн пүрэв гаригийг экс Ерөн­хий­лөгч Билл Клинтон Айовад өнгөрүүлсэн.


Тус мужид болсон санал асуул­гаар Хиллари олны дэмжлэ­гийг авч чадаагүй тул Биллийн царай ихэд бар­гар байжээ. Харин уржиг­дар Нью-Хэмпширт бол­сон санал асуулгын дүн гарсны дараа ихэд баяр­тай байжээ. Тэр­бээр инээм­сэглэж олон түмэн­тэй мэндчилж, хү­мүү­сийн тавьсан асуулт болгонд хариулж байв. “Ноён Ерөн­хийлөгч өө, Айова нь Нью-Хэмп­ши­рээс ямар ялгаа­тай байв?” гэсэн асуул­тад “Хиллари огт өөр байсан. Тэр үнэ­хээр гай­хал­тай байлаа. Айовагийн дараа тэр зөв шийдвэр гаргасан” хэмээн хариу­лав. Ингээд түүний “Corriere della Sierra”-д өг­сөн ярилцлагыг сонир­хуулъя.

-Айова мужид Хиллари ялагдал хүлээсэн шалт­гааны талаар ямар бодол­той байна?
-Бид үнэхээр сэтгэл их зовж байжээ. Энэ алдааг засах цаг хугацаа байхгүй гэж бодож байлаа. Хэвлэл мэдээ­л­эл тэр орой хүчний тэнцвэр­тэй байдлыг харгалзан үзэл­гүйгээр өрсөлдөгчийг нь илүү дэмжиж байсан тухай би одоо энд яримааргүй байна. Хил­лариг дөрвөн сана­лаар илүү байхад телеви­зийн­хэн өрсөл­дөгчдийн са­нал тэнцүү байна хэмээн ярьж байсныг та ан­заарсан уу? Биднийг Нью-Хэмпширт ирэнгүүт уур амьс­гал огт өөр байна гэдэг мэд­рэгдсэн. Ав­сан саналын дүн бодит бай­далтай нийцэхгүй байгаа нь ч мэдрэгдсэн л дээ. Сүүлийн хоёр хоногт Хилла­ритай уул­за­хаар хичнээн их хүн ирснийг та төсөөлж ч чадахгүй. Бүгд л бууж өгч болохгүй, урагш давших хэ­рэг­тэй гэж байсан. Нью-Йорк, Арканзас, Калифорниос бид­нийг дэм­жихээр ирсэн найз нарт маань ер бусын зүйл тохиолд­сон.

-Өнгөрсөн бямба га­ригт болсон халз мэтгэл­цээн бол маш чухал үйл явдал байсан л даа?
-Энэ бол шийдвэрлэх мөч байсан. Хиллари үнэхээр мундаг байж, тулгамдаж буй бодит асуудлыг хөндөж түү­нээс гарах тодорхой хөтөл­бөр, арга замыг санал болго­сон. Тиймээс ч хүмүүс нэр дэвшигчдийг илүү сайн су­далж, хүнд асуулт тавьж, сэт­гэ­лийн хөөрөлд авталгүйгээр дүгнэлт хийлээ. 1992 онд надад яг ийм явдал тохиолд­сон. Нью-Кэмпшир бол ер бусын газар. Би эндхийн хү­мүүст дуртай. Баярлалаа.

-Таны эхнэрийн Нью-Кэмпширт байгуулсан ялал­тыг “underdog” гэдэг. Өөрөөр хэлэх юм бол ард хоцорч байснаа гэнэт ураг­шилж, ялалт байгуулдаг. Та энэ байдлыг ашигласан уу?
-Би танд нэг л зүйлийг хэлье. Энэ өдрүүдэд Нью-Хэмпширийн олон эмэгтэй­чүүд , Америкийн бүх бүсгүйн­ адил өөрсдийгөө ялагч гэдгээ мэдэрсэн. Хил­ларигийн тухай янз бүрийн тайлбар хийсний дараа ялсан шүү дээ. Эмэгтэйчүүдийн 46 хувь нь Хилларигийн төлөө саналаа өгснийг та харсан. Энэ бол үнэхээр гайхалтай. Айова мужид энэ үзүүлэлт 30:35-ын харьцаатай байсан. Эмэгтэйчүүдийн 35 хувь Обамагийн төлөө саналаа өгсөн.

-Эхнэр тань “Би дахин хүч орлоо” гэсэн шүү дээ...
-Тиймээ, тэр тэмцэх хүч чадалтай болсон. Энэ бол Ерөнхийлөгч болж буй үйл явц юм. Та надад итгээрэй, Хил­лари агуу Ерөнхийлөгч болно.