Хоёр аваргын хэн нь эхэлж унах бол

Шинэчлэгдсэн: 2008-01-14 11:00:36 УБ

Японы мэргэжлийн сумо бөхийн нэгдүгээр сарын Хацү башё эхэллээ. Энэ сарын барилдаан ихээхэн онцлогтой бөгөөд өнөө цагийн шилдэг бөхчүүд бүгд оролцсон байна.


Сумо сонирхогчдын хувьд хоёр башё дараалан дэвжээ­нээ гараагүй их аварга Асашёорюү Д.Дагвадорж хэр­хэн барилдах бол гэдэг сонин байлаа. Ер нь түүний өнгийг нэг харах сан гэсэн хүсэл хүн бүхэнд төрсөн. Ямартай ч өнгөрсөн оны хагасаас эхлэн шуугиан дагуулж, шийтгэл хүлээсэн их аварга эхний даваагаа авлаа. Түүний өчигд­рийн өрсөлдөгч зүүн жигүүрийн комүсүби Котошо­гикү байв. Энэ барилдаанд Асашёорюү аварга илүүрх­сэн барилдаан үзүүлж, муш­гин шидэх буюу уватэнагэ мэхээр өвдөг шороодуулсан юм.

Харин үүний дараа 69 дэх ёкозүна Хакухо М.Даваажар­гал дэвжээнд гарсан. Хакухо М.Даваажаргал ёкозүна цол хүртсэн цагаасаа хойш эхний өдрийн барилдаанд хараахан давж үзээгүй байсан юм. Тэгвэл өчигдрийн барилдаанд ах аваргаа урамтай сайхан ба­рилдахыг үзсэн болоод ч тэр үү мөн л ялалт байгуул­лаа. Бүр Асашёорюү аваргын хий­сэн уватэнагэ мэхээр Дэжи­маг давсан юм. Ийнхүү энэ цагийн сумогийн ертөн­цийн оройд нь гарсан хоёр монгол аварга нэг дэвжээнээ барил­даж эхлэв.

Энэ сарын барилдаанд ихээхэн хариуцлага хүлээсэн бөх бол Ама Д.Бямбадорж. Тэрбээр Хацү башёд 13 ба түүнээс дээш давбал озэки цол яригдаж эхэлнэ. Сэки­вакэ цолтойгоор хоёр дахь башёдоо зодоглож буй Ама­гийн хувьд эхний өдрийн барилдаанд маэгашира цолт­нуудын гурав дахь бөх Точи­нонадад дийлдэв. Түүнчлэн Токитэнкү А.Хүчитбаатар отгон озэки Котомицүкид ялаг­длаа. Харин гавьяат та­мир­чин Кёкүтэнхо Н.Цэвэг­ням, Какүрюү М.Ананд, Аса­сэкирюү Б.Дашням нарын сумочид учраа бөхчүүдээ давж, Хацү башёг амжилттай эхэллээ. Мөн мэргэжлийн сумогийн дэд зиндаа болох жүрёод хүч үзэж буй монгол сумочдоос Хакуба А.Өнөр­жар­гал, Моконами Г.Базар­сад, Хошихикари Д.Лхагва, Рюүо Э.Санчирболд, Корюү Э.Мөнх-Оргил нар өрсөл­дөгчдөө өвдөг шороодуулж, нэг даваатай болжээ.

Башёгийн хоёр дахь өдөр буюу өнөөдрийн барилдаанд манай бөхчүүдээс Кёкү­тэн­хо-Касугао, Какүрюү-Коккай, Асасэкирюү-Тамакасуга, Ама-Гоэйдо, Хакухо-Токи­тэнкү, Асашёорюү-Кисэноса­тотой тус тус оноолт тааран барилдах юм байна.

help

unuudriin sumo buyu 2 dahi udriin sumo-g uzmeer baidag, manai Davgaa avarga unasan
gesen baina, ter ulaan xatsartad yaagaad unachvaa? yamar xayagruu orj shuud uzej
bolox ve? xelj uguuch xumuusee