“Эрдэнэт” үйлдвэрийн 200-гаад ажилчинд сонсголын дижитал аппарат олгохоор болжээ

Шинэчлэгдсэн: 2008-01-15 11:37:57 УБ

Уулын баяжуулах “Эр­дэнэт” үйлдвэрийн ажилчдын энэ оны урьдчилан сэргийлэх үзлэг саяхан болжээ.

Уг үзлэ­гээр 200-гаад хүн “сонсголын бууралттай” хэмээх оношоор эмчийн хяналтад бүртгэгдсэн байна.
Иймээс “Эрдэнэт” үйлдвэрийн Эмнэлэг, сувил­лын албанаас үйлдвэрийн болон ахуйн нөхцөлөөс шалт­гаалж сонсголын бэрхшээл­тэй болсон ажилчдын эхний 27 хүнд Дани улсын “WIDEX” фирмийн сонсголын хамгийн сүүлийн үеийн дижитал аппа­рат олгожээ. “Эрдэнэт” үйлд­вэрийн захиргаа, “Мон-Анир” компанитай байгуулсан хамт­ран ажиллах гэрээний дагуу олгож байгаа 640-800 мянган төгрөгийн үнэ бүхий эл аппа­ратыг “ГОК” үйлдвэр 70-80 хувийн хөнгөлөлттэйгөөр олгож байгаа гэнэ.

Үнийн дүнгийн үлдэх хувийг сар бүрийн цалингаас нь хагас жилийн хугацаанд суутгах юм байна. Өндөр хөгжилтэй ор­нуу­дын туршлагаас харахад уул, уурхай, хүнд үйлдвэрт ажиллагсдад зориулсан тус­гай зориулалтын тохируулга, дуу намсгуур бүхий чихэвч байдаг хэмээдэг. Харин “Эр­дэнэт” үйлдвэрт үүнийг ашиг­ладаг эсэхийг одоогоор хэлж мэдэхгүй юм. Монгол Улсын жилийн төсвийн зонхилох хэсгийг бүрдүүлдэг зургаан мянга гаруй ажилтан, ажил­лагсадтай “Эрдэнэт” үйлдвэ­рийн гол баялаг нь зэс молибден, оюу мөн боловч эрдэнэт хүний эрүүл мэндийг муутгаж байгаа үйлдвэрийн их дуу чимээнээс урьдчилан сэргийлэх нь юунаас ч чухал биз ээ. Өндөр цалинтай ажил алба хашдаг ч насан туршийн гэмтэл согогтой болчихвол иргэдэд ч бэрхшээлтэй байх нь ойлгомжтой.

Л.Батцэнгэл
/2007.01.15