Асашёорюү өвдөг шороодлоо

Шинэчлэгдсэн: 2008-01-15 13:04:10 УБ

Мэргэжлийн сумогийн Хацү башё хоёр дахь өдрийн барилдаанаар үргэлжлэв. Энэ өдөр их аварга Асашёор­юү Д.Дагвадорж өвдөг шороо­дож, үзэгчдээс олбогны амт авлаа.

Тэрбээр залуу бөх Кисэносатод окуритаоши мэ­хээр дийлдсэн. Золгоон дээ­рээс хараахан барьц авч чадаагүй их аварга толгойг нь уургалах гэсэн боловч барь­цаа алдан зүүн жигүүрийн тэргүүн сумочийг ардаа гар­гасан юм. Ийнхүү ямар ч хариу үйлдэл хийж чадалгүй дэвжээнээ түлхэгдэн гарч, эхний ялагдлаа хүлээлээ. Хоёр башё барилдаагүй тэр­бээр унасан ч их л хүлцэнгүй үзэгчид дундаас гарч одов. Харин Кисэносато бооцооны мөнгөө атган бууж хараг­дасан.

Түүний өмнө мэргэжлийн сумогийн 69 дэх их аварга Хакухо М.Даваажаргал дэв­жээ­нээ гарч барилдсан юм. Хакухо аваргын хувьд нут­гийн сумоч Токитэнкү А.Хү­чит­баатартай оноолт таарч, хялбархан даваа авав. Ингэс­нээр залуу аварга хоёр даваа­тай тэмцээнээ үргэлжлүүлэх боллоо. Түүнчлэн энэ өдрийн барилдаанд Монголын сумоч­доос гавьяат тамирчин Кёкү­тэн­хо Н.Цэвэгням Солонго­сын бөх Касугаог унагаж, хоёр дахь ялалтаа байгуулсан бол Какүрюү М.Ананд, Асасэ­кир­юү Б.Дашням нар мөн л өрсөлдөгчдөө өвдөг шо­роо­дуулсан юм. Харин сэкивакэ цолтой зодоглож буй Ама Д.Бямбадорж Гоэйдотой хий­сэн эхний барилдаанд хайн­цан ахин өрсөлдөхөд, илүүр­хэн шидсэн. Ингээд арслан цолны төлөө хүч үзэж буй Ама Хацү башёгийн эхний даваа­гаа авсан юм.

Дээд зиндаанд барилдаж байгаа эдгээр бөхчүүдээс гадна жүрёод зодоглож байгаа монгол залуус амжилттай барилдаж байна. Өчигдрийн тэмцээнд жүрёо зиндааны тэргүүн бөх Корюү Э.Мөнх-Оргил, энэ зиндааны хоёрт эрэмбэлэгдсэн Рюүо Э.Сан­чир­болдтой оноолт тааран барилдаж, туршлагатай су­моч Рюүогийн ялалтаар өн­дөр­лөжээ. Дээд зиндаанд зодоглож үзсэн Э.Санчир­болдын хувьд Хацү башёд амжилттай барилдаж чадвал ахин макүүчид орох боломж бий. Мөн Хошихикари Д.Лхаг­ва, Хакуба А.Өнөржаргал нар учраа бөхчүүдээ давсан бол Моконами Г.Базарсад нэг ялагдалтай явж байна.

Башёгийн гурав дахь өдөр буюу өнөөдрийн барилдаанд Кёкүтэнхо-Вакакирин, Какүр­юү-Ваканохо, Асасэкирюү-Баруто, Ама-Котоошюү, Аса­шёор­юү-Токитэнкү, Хакухо-Тоёоношима нар барил­да­хаар оноолт таарчээ.

/2008.01.15/

dagvaa figthing

asasheoryu tuluuleh baih gej bodoj bna ta buhen ch bas ingej bodoj bgaa gej itgej bna