Хятадын ЭСЯ-нд ажилладаг эхнэрийнхээ нэрийг барьж их хэмжээний мөнгө залилжээ

Шинэчлэгдсэн: 2008-02-04 11:02:54 УБ

Манай бизнес эрхлэг­чид гадна дотны хүмүүст хууртагдаж мөнгөө алдах тохиолдол гардаг. Хэвлэл мэдээллийн хэрэгс­лээр анхааруулсаар бай­тал ийм хэрэг давтагд­саар байна. Дорнод айм­гийн Чой­балсан хотод амьдардаг Н.Төмөрчөдөр төмрийн наймаа эрхэлдэг нэгэн байжээ.


Дөрвөн жи­лийн өмнө Ли Жей гэгч хятад хүн түүнээс болон дүү нараас нь их хэм­жээний түүхий эд залилан авсан байна. Н.Төмөр­чөдөр өн­гөр­сөн хугацаанд шүүх цагдаагаар явсан боловч нааштай хариу нэг ч сон­соогүй, өөрөө өрөнд уна­жээ. Түүнтэй ярилцлаа.

-Та яаж байгаад энэ хүнд мөнгөө залилуул­чи­хав. Танаас юу гэж хэлж авсан юм бэ?
-Хуучин Оросын цэр­гийн ангийн дулааны ган хоолойг 2004 онд дуудлага худал­даагаар зарахаар болсон. Тухайн үед би банкны зээлээр өнөөх ган хоолойг худалдаж авсан юм. Гэтэл өөрийгөө Монголд төрж, өссөн, Улаан­баатарт амьдардаг Ли Жей гэх хятад хүн ган хоолойг чинь худалдаж авъя гэдэг юм бай­на. Нэг тонныг нь 140 мянгад тохиролцоод 300 тоннын гэрээ хийсэн юм. Бас тэр хүн манай хоёр дүүгээс хар төмөр ав­сан. Нийт 40 сая төгрөг болс­ноос 11 саяыг нь урьд­чилж өгөөд, үлдсэнийг нь Эрээнд очоод өгье гэсэн юм.

-Та түүнийг урьд нь тань­даг байсан юм уу?
-Манай эхнэр Улаанбаа­тарт сурдаг байсан юм. Гэтэл Ли Жей манай эхнэрийн утас­ны дугаарыг хаанаас олсныг нь бүү мэд залгаад ган хоо­лойг чинь худалдаж авъя гэж ярьсан байдаг. Эхнэр маань гайхаад надад хэлэхээр нь би түүнтэй ярьсан юм. Тэрээр Хишигбаяр гэгч монгол залуу­тай хамт ирээд бид гэрээ байгуулсан.

-Та тэр хятадыг хэн бо­лохыг нь сайн таньж, мэ­дэлгүй гэрээ хийсэн хэрэг үү?
-Манайд ирэхдээ 2, 3 ян­зын том жийп хүлэглэж ирдэг байсан.

Бас хуруундаа дүүрэн алтан бөгжтэй. Намайг их хоргоосон. Би ч анхандаа итгэхгүй, эргэлзээд нааштай хариу өгөхгүй байсан юм. Тэгтэл эхнэрээ Хятадын Элчин сайдын яамны ажил­тан, тиймээс ямар ч буруу санаа байхгүй гэдэг байгаа. Өөрийгөө Улаанбаатарын уугуул оршин суугч гэж та­нилцуулаад гэртээ хүртэл зочлуулсан юм. Тэр үед түүний эхнэр нь болох Ван Дун Мэн гэгч эмэгтэй байлаа. Тэрээр өөрийгөө Хятадын Элчин сайдын яамны визний тасагт нарийн бичиг гэхээр нь итгэсэн. Энэ бүгдэд нөгөө монгол залуу зуучилдаг бай­лаа.

-Таныг залилахдаа юу гэж худлаа ярьсан юм бэ?
-Хоёр тал 2004 оны гу­рав­дугаар сарын 27-нд гэрээ хий­сэн юм. Тэгээд дөрөв­дүгээр сард “Бичигт” боомт түр хуга­цаагаар нээгдэхийг хүлээж байлаа. Боомт ч 20 хоногийн хугацаатайгаар нээг­­дэж, бид ган хоолой, хар төмрөө урагш нь ачуулсан. Хил хаагдах өдөр Ли Жей миний паспортын хугацаа дуусчихсан байна. Хоёулаа эргээд буцъя, танай эхнэр манай дүү Ян Ганийг дагаж очоод мөнгөө авчих гэсэн. Тухайн үед ч би эхнэ­рээ төрсөн дүүтэй нь Ян Ганийг дагуулаад явуулчих­лаа. Ха­рин Ли Жей надтай манайд үлдсэн юм. Гэтэл тэр тав хоногийн дараа “Дүү ут­саар ярьж байна. Тооцоо зөрөөд байна гэнэ. Би очиж зохи­цуулъя” гэж намайг арга­лаад явчихлаа. Би ч эхнэр рүүгээ ярьж, юу болж байна гэж асуу­хад мөнгө хараахан ирээ­гүй байна, хүлээж бай гэнэ” гэсэн. Гэтэл эхнэр маань над руу утасдаад нөгөө хужаа нар чинь дүү бид хоё­рыг буудлын мөнгөний барь­цаанд тавиад зугтчихлаа гэ­дэг байна. Би арайхийн мөнгө цуглуулаад тэднийг очиж авсан.

-Таныг очиход тэд ямар байдалтай байсан бэ?
-Бүр царай алдчихсан, буудлын жижүүрээс бэлэн гоймон зээлээр авч иддэг байсан гэнэ. Нөгөө хужаа “Одоо мөнгө ирж байгаа, хэ­дүүлээ хоол идье” гээд суу­сан байдаг. Тэгснээ тамхи татаадахъя гэж гараад зугт­чихсан байна лээ. Эхнэр дүү хоёрын бичиг баримтыг 350 мянган төгрөгийн барьцаанд тавиад зугтчихсан байсан. Би тэр хоёрыг нутаг руу нь явуул­чихаад өнөөх хужаа нарыг харж буудалд сар гаруй хүлээсэн боловч ирээгүй. Тэгээд зургадугаар сард Ул­сын мөрдөн байцаах газарт өр­гөдөл өгсөн юм. Гэтэл өнөөх хужаа олдохгүй, зуг­таад байсан л даа.

-Гэрт нь очоод эхнэр­тэй нь уулзаад ч нэмэр болоо­гүй юу?
-Гэтэл дараа жилийнх нь цагаан сараар Монголд нуу­цаар орж ирсэн байсан. Над­тай гэрээ хийхэд хамт бай­сан монгол залуутай уулзаад түүний утсыг үзэж байгаад мэдсэн. Тэгээд цагдаад хэ­лээд баривчлуулсан юм. Гэтэл тав хоноод л гар­чих­сан. Есдүгээр сард нь шүүх хурал болсон.

-Шүүх хурлын шийдвэр юу гэж гарсан юм бэ?
-Сүхбаатар дүүргийн шүү­­хэд болсон шүүх хурлын шийдвэр “Ли Жейг Эрээнд очиход нь залилсан хятад хүнээс байцаалт авах хэ­рэгтэй. Түүнийг интерполоор хайж байна” гэж гарсан. Учир нь тэрээр шүүх хурлын үеэр “Би Эрээнд очоод Ян Ганьд залилуулсан юм” гэж хэлсэн л дээ. Гэтэл би Эрээнд очтол нөгөө хайгаад олдохгүй бай­гаа хүн нь гэртээ хэвтэж байсан. Тэгээд би нийс­лэ­лийн прокурорт хандсан юм. Харин өөдөөс Ян Ганийн мэ­дүүлэг ирвэл хэрэг ший­дэгдэнэ гэ­сэн хариу өгдөг байна. Өн­гөрсөн оны зурга­дугаар сард түүний мэдүүл­гийг Хятадын дээд проку­рорын газар манай проку­рорын гадаад ха­рил­цааны хэлтэс рүү факсаар ирүүл­сэн. Уг мэдүүлэг ир­чихээд байхад Нийслэлийн прокуро­рын газар хэргийг түдгэлзүүл­чихээд байна. Учир нь энэ мэдүүлэг эх хувиараа ирсэн цагт хүчинтэй гээд байгаа юм. Аливаа орны прокурорын газар мэдүүл­гийн­хээ эх ху­вийг өөр улс руу явуулах журам хаана ч бай­даггүй байтал манайхан үүнийг нь хүлээсээр, өнөөх хятад хуга­цаа хожсоор л байна.

-Тэр хятадын эхнэртэй нь уулзаж үзэв үү. Ер нь мөнгийг чинь өгөх сураг байна уу?
-Эхнэр нь гэрээ хийгээгүй болохоор энэ хэрэгт хамаа­гүй болчихож байгаа юм. Тэ­рээр ЭСЯ-нд ажилладгаараа нэр барьж мөнгө төлөхгүй санаатай байгаа. Хэд хо­ногийн өмнө Ли Жей би чиний мөнгийг өгье. Хуваарь гаргах хэрэгтэй байна гээд “Зуун айл”-д байрлах гэр рүүгээ дагуулаад очсон. Би ч мөнгөө салгаж авч байвал хуваарь нь ямар ха­маатай юм гээд баяр­лалаа. Харин нөгөөх чинь хятадаар цаанаа утсаар шул­ганаад байсан юм. Би ч ямар ойлгох биш. Удалгүй тус дүүр­­­гийн баахан цагдаа нар орж ирээд хятад иргэний гэрт ирчихээд дарамтлаад байна гэсэн дууд­­лагаар ирлээ гэдэг бай­гаа. Энэ мэтчилэн хоёр гурван удаа намайг дөнгөсөн. Зүгээр байж байгаад би өөрөө хэ­рэгтэн болчих гээд байх юм.

-Та түүнийг ямар нэг байдлаар дарамталсан юм биш биз?
-Би түүнд нэг ч удаа гар хүрч байгаагүй. Уг нь их л тэвчээртэй хандаж байгаа юм. Саяхан Улсын мөрдөн бай­цаах газарт Батзориг байцаагч дээр байцаагдаж байтал Эрүү­­­гийн цагдаагийн газраас Бэх­бат гэгч энгийн хувцастай хүн орж ирээд “Хятадын эл­чин­гээс утасдаад байна. Би энэ хүнийг аваад явлаа. Та нар мөнгө авсан хүнээ да­рамт­лаад байвал өөрсдөө бурууд­на” гээд түүнийг аваад явсан. Манай шүүх, цагдаа­гийнхан түүнийг дэндүү эрх­лүүлж бай­на.

-Та одоо ямар ажил эр­хэлж байна вэ?
-Би угаасаа төмрийн най­маа хийдэг байсан. Банкнаас банкны хоорондох зээлээр амьдарч байна. Хүүнд нь шатаад өрөнд ч орж гүйцлээ. Өмгөөлөгчийнхөө ч мөнгийг өгөөгүй явж байна.

Түүнтэй ийн ярилцчихаад Ли Жейтэй уулзсан юм. Тэр­бээр “Эхнэр маань Хятадын элчинд ажилладаг нь үнэн. Наймаа хийсэн нь ч үнэн. Би цаанаа өөр хүнд залилуул­чихсан” гэв. Харин түүний өмгөөлөгч Алтанцэцэгээс энэ хэргийн талаар тодруулахад “Хууль зүйн хувьд үйлчлүү­лэгчийнхээ талаархи ямар нэг мэдээлэл өгөх ёсгүй” хэмээн эрс татгалзлаа.

М.МӨНХЦЭЦЭГ
Өдрийн сонин

hi

iimerhv yumnuudiig neg gazar awaachaad nvdiig n booj hend balbuulj bgagaa medehgvi
bolgoj baigaad munguu ugtul n shees aldtal n banbachih heregteishd.bvr hulhi n
buugaad yum oilgood irheer n munguu awahgvi yu.

manai huuliinh niig bvr 5 n huruu shigee medsewn b.na

mash ih uur hvrch b.na vneheer manai huuliinhan bolood deedchvvd ene muu omhii hujaag
dawruulj b.na bas hahuul awsan baij magadgvi sh dee!!!!ooriin nutagt b.gaa yumiig
hergiig n shiidej chadahgvi daanch dee mongolchuudaa!!!! neg hodlood oloood ogii
gewel bolohgvi yum haach vgvi shvv dee mash ih haramsaj b.na huuliinhandaa!!!!!!!!!!!

hi

manai huulinhand huuli bish mongo nudend ni haragdaad, ajlaa, ulsa, hunee mongoor
solij baigaa yum bish biz uunig ulsin ih hurlinhan mini yu gej bodoj baina