Ч.Энхтайван: Хуулийн байгууллага шалгаж байх хооронд С.Жаргал гүжирдлэг тараасаар

Шинэчлэгдсэн: 2008-02-15 12:17:59 УБ

“Цагаан шонхор”-ын Ч.Энхтайван тэргүүтэй хэсэг бүлэг хүмүүс Хэнтий аймагт зодоон цохион дэгдээж цагдаагийн бай­гууллагад шалгагдаж бай­гаа гэх мэдээллийн мө­рөөр “Цагаан шонхор” ХХК-ийн захирал Ч.Энхтайва­наас эл асуудлаар тодруул­лаа.


-Та сар шинэдээ сайхан шинэлэв үү. Хотод шинэлэв үү, эсвэл хөдөө орон ну­тагт байв уу?
-Сайхан шинэллээ. Ца­гаан сарын өмнө нутгаараа очоод ирсэн. Хотод шинэлсэн.

-Хэнтий аймгийн Засаг даргын орлогчийг зодсон гэдэг үнэн үү?
-Сар шинийн өмнө буюу хоёрдугаар сарын 4-ний өдөр Хэнтий аймгийн Ардчилсан намаас ахмадууд болон багш нараа хүлээн авдаг уламж­лал­тай. Энэ уламжлалын да­гуу Улаанбаатар хотод байдаг Үндэсний зөвлөлдөх хорооны гишүүд очсон юм. Тэнд Да.Ганболд, Байгаль орчны сайд асан С.Мэндсайхан, А.Энх-Амгалан, Д.Оюунбаа­тар нарын хүмүүс очоод ТМС-ийн байранд намынхаа хөгшид, багш нартай уулзчи­хаад уулзалтаас тараад Ха­ламжийн төвийн зочид буу­далд байрлахаар төлөвлө­чихсөн байсан. Амрах гэтэл уулзал­тад оролцсон намын гишүүд буюу Хэнтий аймгийн Засаг даргын орлогч Б.Болд­баатар, ИТХ-ын дарга Баярт-Од, хэлт­сийн дарга Амгалан гэх мэт нэлээд олон хүн бид­нийг “Хөвчийн жонон” зо­чид буудалд урьсан. Тэнд жижиг­хэн хүлээн авалт бол­сон. Хүлээн авалтад согтсон ганц хоёрын зэргийн хүн байсан. Тэрний нэг бол Б.Болд­баатар байсан. Тэр үед сонгуульд нэр дэвших тухай яригдсан. Миний ээлж боло­ход би сана­лаа хэлсэн. Сана­лаа хэлэ­хээс өмнө нэг асуулт асуу­сан. Намын үйл ажилла­гааны эсрэг удаа дараа үйл ажил­лагаа явуулж байсан хүнийг сонгуульд нэр дэв­шүүлж болох уу гэж та бүх­нээс асууя гэсэн. Би энэ асуултыг асуутал Б.Болд­баатар нэлээд согтуу байсан, шууд над руу агсарсан. “Та нар муусайнууд Жаргалыг нэр дэвшүүлэхгүй гэж ингэж явна” гэсэн. Би Жаргал гэж ч нэр заагаагүй.

С.Мэндсайхан:

Тэнд хэн нэгнийгээ бүлэглэж зодсон явдал болоогүй. Эрчүүдийн байдаг л маргаан болсон
Агсраад над руу салаавч гаргаж янз бүрээр хараасан. Би уурлаад өөдөөс нь босоод ирсэн. Гэтэл бидний хоорон­дуур Да.Ганболд, С.Мэндсай­хан нарын хүмүүс орж сал­гасан. Тийм л юм болсон.

-Ямар нэгэн байдлаар зодоон гараагүй байхад цагдаагийн байгууллага таныг хорьж шалгах хэрэг байсан гэж үү?
-Б.Болдбаатар зөвхөн над руу ч биш өөр бусад руу дайрч давшлахад нь түүнийг түлхээд суулгачихсан юм билээ. Сонин хэвлэлд бүлэг­лэж зодсон, хүнд, хөнгөн гэмтэл учруулсан гэх мэтээр бичиж байна л даа. Үнэндээ зодоон болоогүй гэдгийг тэнд байсан АН-ын 20-иод гишүүн бүгд мэдэж байгаа. Тэднээс өөрсдөөс нь тод­руул­га авах хэрэгтэй. Мөн цагдаагийн байгууллагаас асуу. Орлогч дарга Б.Болд­баатар нь ч юм уу хэн нэгэн нь Хэнтий айм­гийн Засаг дарга С.Жаргалд сүртэй­гээр ярьсан бололтой. Нөгөө­дөх нь Улаанбаатар хотод байсан. С.Жаргал нь цагдаа­гийн байгууллагад Да.Ган­болд, С.Мэндсайхан нарын хатгалгаар Энхтайван тэнд олон хүн зодоод бөөн юм болгож гэсэн худал мэдээлэл өгөөд үүний дагуу Улаанбаатар хотоос ажлын хэсэг томилогдож газар дээр нь очиж шалгасан.

-Таныг саатуулсан билүү?
-Намайг Хэнтийгээс нааш орж ирэхэд саатуулж Ганц­худагт хоёр хоног хорьсон. Үнэн зөвийг тогтоосон юм болов уу даа, намайг гарга­сан. Үнэхээрийн хүн зодож танхайрчихсан бол намайг гаргахгүй байсан байх.

Ингээд хуулийн байгуул­лага шалгаж байх хооронд Засаг дарга С.Жаргал гүжирд­лэг тарааж сонин хэвлэлд гаргасаар байна. Албан ту­шаа­лаа ашиглаж Хэнтий айм­гийн Засаг даргын мэдэгдлүүд гаргаж эхэллээ. Манай на­маас сонгогдчихоод удаа дараа эсрэг үйл ажиллагаа явууллаа. Одоо ч ялгаагүй. ҮЗХ-ны есөн гишүүнийхээ нэгэнтэй нь ч С.Жаргал таар­даггүй. Дандаа ганцаарчилсан тоглолт хийдэг. Ийм л хүн. Манай аймгийн намынхан энэ бүгдийг сайн мэднэ л дээ. Миний хувьд хүн зодож цо­хиод хохироож гэмтээсэн нэг ч зүйл байхгүй шүү.

-Таны бодлоор жижиг маргааныг яагаад ингэж сүйдтэй том болгож байгаа юм бол?
-Ийм асуудлыг сүржиг­нүүлж байгаа нь сонгуультай холбоотой. Бидний хооронд үүссэн маргаан бол хаана ч болдог жижиг зүйл. Удахгүй энэ сарын 27-нд аймгийн намын хороо хуралдаад нэр дэвшигч нараа тодруулах гэж байна. Би намын ҮЗХ-ны гишүүний хувьд С.Жаргалыг нэр дэвшүүлэхгүй гэдэгт ха­туу байр суурь барьдаг. С.Жар­гал бол нэр дэвшихийн тулд нам сольж бие дааж нэр дэвшиж сурсан хүн. Өөрөө нэр дэвшихгүй гэдгээ ойл­гонгуутаа боож үхэх гэж бай­гаа шиг гүтгэлгийг зохион байгуулалттай хийж явна гэж ойлгож байна. Биднийг зочид буудалдаа амрах гэж байхад гуйгаад, уриад салахгүй бай­сан байхгүй юу. Энэ нь зо­риуд зохион байгуулсныг илтгэнэ. Өөрийн гарын дор орлогч дарга Б.Болдбаатар нарт үүрэг өгөөд зодоон цо­хион гаргаадах, үүгээр нь нээнтэглэе. Ингэхээр өөрий­гөө нэр дэвшүүлнэ гэж боддог юм уу, бүү мэд. Ингэж худал мэдээлэл өгч хуулийн бай­гуул­лагаар тоглодог асуудал байж болохгүй.

-Таны хувьд Б.Болд­баатарт нэг ч удаа гар хү­рээгүй гэсэн үг үү?
-Ямар ч тийм байхгүй. Харин манай намын хоёр нөхөр тэр явдлын дараа муу­далцаж гар зөрүүлээд өнгөр­сөн юм билээ. Энэ бол тусдаа асуудал. Тэгтэл ингэж сүр болгон гүтгэлэг тарааж, цаг­даагийн байгууллагаар тоглож болдог юм уу. Үүнд анхаар­лаа хандуулаасай. Аймгийн удирдлага, ИТХ-ын болон хэлтсийн дарга нар, ҮЗХ-ны гишүүд гэсэн олон гэрчээс тодруулахад асуудал ойлгогдоно.

Энэ талаар Хэнтий аймгийн Засаг дарга С.Жар­галаас тодруулахад тэрбээр “Тэр үеэр би хо­тод байсан болохоор яг юу болсон талаар мэдэх­гүй. Тиймээс надаас тод­руулга аваад хэрэггүй биз” гэв. Тэнд үүссэн маргаан, зодооны үеэр байсан Бай­галь орчны сайд асан С.Мэнд­сайханаас тодруу­лахад ийн ярьж байна.

-Сар шинийн баярын өм­нө­хөн Хэнтий аймагт арга хэмжээ уулзалт болсон. Гэ­тэл энэ үеэр зодоон болсон гэх мэдээлэл улс орон даяар ихээхэн түгж байна. Миний хувьд тэнд болсон намын дотоод асуудал, эрчүүдийн хооронд болсон явдлыг тэг­сэн ингэсэн гэж нарийн дэл­гэж тайлбарлах хүсэл алга. Товч бөгөөд тодорхой хэлэ­хэд тэнд хэн нэгнийгээ бүлэг­лэж зодсон явдал болоогүй. Байдаг л маргаан болсон. Хоёр талаас босч ирэхэд нь салгачихсан. Үүнийг аймаг орон нутгийн ажиллаж байгаа болон ҮЗХ-ы гишүүд мэдэж байгаа. Цагдаагийн байгуул­ла­га маш шуурхай ажилла­сан. Магадгүй энэ үйл явдлыг дэврээж ашиг хонжоо олъё гэж зориуд өгсөн гаж буруу мэдээллийн үүднээс нэлээн бужигнаан үүссэн байх. Нэ­гэн­тээ хуулийн байгууллага наашаа, цаашаа явж зардал үрсэн болохоор үнэнийг тог­тоох ёстой. Энэ явдлыг хэтэр­хий сүр дуулиан болгож мэ­дээ­лэл өгч бужигнуулсан хүнийг нь тодруулж арга хэмжээ авах ёстой. Худал мэдээлэл өгснөөр эцэстээ цагдаагийн байгууллагыг шаард­лагатай түргэн шуур­хай арга хэмжээ авах зүйл дээр алгуурладаг болгочих вий. Одоо сонгууль дөхөж байна. Улс төрийн ашиг со­нирхлын үүднээс аливаа нэг зүйлийг сүр дуулиан болгож нэг нэгнийгээ унагах хар пиар их явах шинжтэй. Энэ асууд­лын учир зүй нь олдох байх гэж бодож байна.

Өдрийн сонин /2008.02.15/

enhtaivan chi muu luivarchin duugaa tat

Ene Luivarchin Enhtaivniig medehgui yum gene dee
Yostoi doloon uuliin tsaaguur
hutsvaa gedeg chini ene baih daa. Yamar chamaig yamar tavitargui, yamar luivarchin
gedgiig medehgui gej sanaj baina uu, Dandaa heden uurteigee taarsan shorongiin
yumnuudaar hun daramtalj yavdag shuu dee. Tegeed hun deerelhej zodoo biz. Harin manai
huuli hyanaltiinhan ene met luivarchdiig tseverleh tsag bolson shuu,

a

davaany tsaanaas tarhidan gej uurtun ni ochood helj chadah uu

Ireeduin Erunhiilugch

Ch.Enhtaivan bol ireeduid mongolyg avch yavah, olnooroo itgej boloh hun shuu dee.