|
Очирваань бурханд бурхан бүгдийн хүч шингэсэн байдаг юм
Шинэчлэгдсэн: 2008-03-11 11:48:52 УБ Өнгөрсөн оны дундуур Монгол улсын ерөнхийлөгчийн зарлиг гарч Очирваань бурханыг зээгт наамалаар бүтээх ажил эхлэжээ.
Өнгөрсөн хугацаанд эл бурханы дүрийг бүтээх уран бүтээлчдийг цуглуулах болон хандив босгох ажил явагдсаар ирсэн байна. Өчигдөр Ерөнхийлөгч Н.Энхбаяр Гандантэгчинлэн хийдээр зочилж Очирваань бурханыг бүтээх ажилтай танилцан урчуудтай дурсгалын зураг татуулав.
Одоо Очирваань бурханы дүрийг 40 гаруй оёдолчин, зураач урчууд бүтээж эхлээд байгаа аж. Тэдгээрийн дотор Өвөрмонгол болон ОХУ-ын буриад иргэд ч оролцож байгаа гэсэн. Харин эдгээр урчуудыг нэгдсэн удирдлагад оруулж өдрийн арван цагаар бодон ажиллуулж байгаа аж. Эхний ээлжинд Монгол болон Буриад урчууд Мандухай зочид буудалд байрлан тэндээсээ шашны их сургууль дээр ирж урлан хийж байгаа юм байна.
Энэхүү Очирваань бурхан нь 18 метр өндөр 12 метрийн өргөнтэй байх бөгөөд дан торго болон эрднийн чулуугаар бүтээх тухай ерөнхийлөгчид танилцуулж байна лээ. Тэр үеэр Очирваань бурханыг бүтээх ажлыг удирдан зохион байгуулж байгаа Соёлын гавъяат зүтгэлтэн, Бурханч лам Г.Пүрэвбат сэтгүүлчдэд ажлаа танилцуулсан юм.
-Ямар шалтгаанаар Очирваань бурхныг зээгт наамалаар бүтээх болсон бэ?
-Очирваань шүтээнийг Монголын төр тэр дундаа ерөнхийлөгч зарлиг гаргаж ийн шүтээн болгох шийдвэр гаргасан юм аа. Тиймээс бид эхлээд энэ шүтээнийг зээгт наамлаар бүтээнэ. Монголын сонгодог урлагын нэг төрөл зүйл энэ зээгт наамлаар бүтээхдээ 18 метр өндөр 12 метр өргөнтэй цэвэр торго болон эрдэнийн чулуу ашиглаж байгаа юм. Үүнийг бүтээхэд 21 аймгийн төлөөлөгч үйлчин хүүхнүүд мөн Тува, Халимаг, Өвөрмонгол, Буриад гэсэн Монгол туургатангаас төлөөлөгч ирсэн. Аймаг болгоноос суралцаж байгаа зураач нартай хамтарсан 40-өөд хүний бүрэлдэхүүнтэй үүнийг бүтээж байна.
Ер нь ингэж их хүч зарж бүтээж байгаа гол зорилго нь Монгол үндэсний соёл урлаг түүхийг хүнтэтгэж байгаа нэг гол ач холбогдолтой.Ер нь аливаа улсын хамгийн гол батламж болдог монгол хүмүүсийн хэв шинж дархлаа болгосон бидний хооронд нь нэг үзэлтэй болгож түүхээ ойлгон биширч ингэж байх гол зүйл маань үндэсний соёл урлаг, шашин нь байдаг. Энэ очвирваань бурхан гэдэг маань өнө эртнээс улажлалт очир хүргэний нэгэн гол ядам байсаар ирсэн. Бид Чингэс хаан Очирваань бурханы хувилгаанаар үнэлэгдэж байсан түүхэн баримтууд ч бий. Очирваань бурхан бол ядам бурхан. Энэ бурхан бол бидний сэтгэлийг ариусгаж, гэгээрэлд хүргэх, үнэн зөв мөрийг олоход хүнийг хөтөлдөг ийм бурхан байгаа юм. Нөгөөтэйгүүр Очирваань бурхан бол бүрхан бүгдийн хүчийг хураасан бурхан юм. Үүнийг Xингэс хаан, Өгөөдэй хаан, Хувилай хаан гуравыг хавсарган доод талд хамт бүтээж байгаа. Яагаад бид нар энэ гурван хаантайгаа учир барилдуулан хийж байгаа вэ гэвэл Чингэс хааныг эртний түүхээс авахуулаад монголчууд маань эрхэмлэн дээдэлж шүтэж байх ёстой эгэл биш үнэхээр суут хүн юм гэдгийг батамжилсан байдаг. Яагаад баталмжилсан гэхээр ерөөсөө Чингэс хааны сан тахилга, мөн Чингэс хааны өмнөөс бясалгал бүтээл хийх ийм ном судартай болгоод бүрэн бүтэн шүтээн болгож энэ хүнээс сайн сайхан зүйлийг авах ийм агуу бүтээлийг туурвисан байна.
Энэ сайхан бүтээлийн эх загварыг нь гаргах, удирдаж урлах, эх зохиогчоор ажиллаж байгаадаа миний бие их баяртай байгаа. Мөн Монгол туургатан болгон эвлэн нэгдэж үүнийг бүтээж байгаад их чухал ач холбогдол өгч байгаа юм.
-Очирваань бурхан маань өөрөө юуг илэрхийлдэг вэ. Монголыг даагч гэж яриад байх юм. үнэн үү?
-Энэ бурханы ажил зуны эхэн сарын 15-нд дуусна. Тэгээд энэ өдөр бурхан багшийн мэндэлсэн нярваан дүрийг үзүүлсэн, бурхан болсон гайхамшигт өдөр давхцах юм. Энэ өдөр бид нийт ард түмэндээ аравнайлж эх ёслол үйлдэнэ. Очирваань бурханыг голчилж байгаа учир нь 2000 мянган жилийн тэртээгээс өвөг дээдэс мөн их хаадуудын сонгогдож ирсэн очир хөлөгний шашинтай холбоотой байдаг юм. Үүнийг дандагын үндэс буюу нэг насанд бурхан болдог тарины үндэсний нэгэн тэргүүн үндэстний гол ядам гэдэг. Тэгэхээр хүнийг гэгээрэлд хүргэх хамгийн гол бурхан гэсэн үг. Тэрнийг монголчууд яагаад онцгойлсон гэхээр энэ бурхан бол бурхан бүгдийн хүч чадлыг өөртөө хураадаг. Гэхдээ Очирваань бурхан үүнд ганцаараа байхгүй л дээ. Язгуурын гурван бурхан буюу ухаан билгийн хураасан Манзушир, энэрэл хайрыг хураасан Аръяавал бурхан, шашины эзэн бурхан багштайгаа хамт байгаа юм. Мөн төрийн долоон эрдэнэ, төрийн өлзийт найман тахилга гэсэн шашинт төрийн билэгдлүүд ч хамт байгаа. Ингээд цогцоороо босоод ирэхээр зэрэг ерөөсөө бурханы эрдэм мэдлэг хүч болгоныг хураасан билэгтэй. Очирвааныг монголчууд бид хувь төгөлдөр шавь нар гэж ярьдаг. Дээдэлж биширч монголчууд онцгойлж ирсэн түүхтэй юм.
-Очирваань бурханыг хаана залах вэ?
-Очирваань бурханыг Монгол түмний их шүтээн болсон Мэгжид Жанрайсаг бурханы дуганд залахаар төлөвлөж байгаа. Тэнд байрлуулах хэмжээ байрыг нь ч сонгочихсон байгаа.
Өглөө орой /2008.03.11/
|
GlobalCEO: Миний дэлгүүрийн сүлжээнд ажиллав
