“Мэргэжил бүхэн сайхан” цуврал лекц амжилттай болж өндөрлөө

Шинэчлэгдсэн: 2008-04-15 12:54:30 УБ

Монгол Улсын Их Сургууль, Скайтел компани нар хамтран ерөнхий боловсролын төгсөх ангийн сурагчдад зориулж “Мэргэжил бүхэн сайхан” цуврал лекцийг дөрвөн өдрийн турш зохион байгууллаа.

Энэхүү лекцэнд Эдийн засаг, Хүмүүнлэг, Нийгэм, Байгалийн шинжлэх ухааны чиглэлүүдээр МУИСургуулийн хариа сургуулиудын захирал, доктор, профессор нар болон Скайтел компанийн мэргэжилтэнгүүд илтгэл тавин зөвлөгөө өглөө. Нийт дөрвөн өдөр болсон уг лекцэнд хоёр мянга гаруй сурагчид хамрагдан, өөрсдийн тулгамдаж буй асуудлуудын талаар ойлголт авч ирээдүйнхээ төлөө үнтэй хувь нэмрийг оруулж чадлаа. Монгол Улсын ирээдүй хойч үе болсон залуус энэхүү лекцэнд туйлын сэтгэл ханамжтай байсан гэдгийг онцлон тэмдэглэе. Монгол Улсын хойч үеийн төлөө үнэлж баршгүй хувь нэмэр оруулсан, энэхүү лекцийг санаачлан зохион байгуулсан Скайтел компанийн хамт олон ч бас туйлын сэтгэл ханамжтай байсан бөгөөд цаашид ямагт боловсролыг дэмжин ажилана гэдгээ амласан юм. “Мэргэжил бүхэн сайхан” цуврал лекц амжилттай болж өндөрлөснөөр олон хүүхдийн ирээдүйн сонголтонд тус нэмэр болж чадсан явдал бол хамгаас чухал болохыг тэмдэглэн хэлье.