|
Нэр дэвшигч Лу.Болд, Л.Гүндалай, Батж.Батбаяр, С.Эрдэнэ, Б.Эрдэнэбат нарыг АТГ-аас шалгаж эхэллээ
Шинэчлэгдсэн: 2008-06-26 22:40:17 УБ Энэ удаагийн УИХ-ын ээлжит сонгуульд 300 гаруй нэр дэвшигч өрсөлдөж байгаа. Гэтэл сонгуулийн босгон дээр тэдний заримыг албан тушаалаа урвуулан ашигласан хэргээр АТГ-аас шалгаж эхлээд байгаа юм байна.
УИХ-ын 21 дүгээр тойрогт АН-аас нэр дэвшигч Лу.Болд нь АМГТХЭГ-ын даргын албан тушаалаа хүлээлгэн өгөхийн өмнөх өдөр УИХ-ын гишүүн Батж.Батбаярын хүү Батхишигийн “Талст маргад” ХХК-иас асар их хэмжээний авилга авах замаар Хөвсгөлийн фосфоритын ордод хайгуулын болон ашиглалтын лизензүүдийг олгож сонгуулийн мөнгөө босгосон байж магадгүй байгаа ажээ. Энэ хэрэгт Баянхонгор аймагт АН-аас нэр дэвшигч Батж.Батбаяр, АМГТХЭГ-ын Тамгын газрын дарга Л.Дэлгэрдалай нар бас холбогджээ.
Хөвсгөл аймагт АН-аас нэр дэвшигч Л.Гүндалайг Эрүүл мэндийн сайд байхдаа будилуулсан тендерийн хэргээр нь шалгаж байгаа бололтой. “Эрэл”-ийн Б.Эрдэнэбат ч албан тушаалаа урвуулсан хэрэгтэй юм байх. Харин Баянгол дүүрэгт нэр дэвшигч С.Эрдэнэ нь олон жил яригдсан УНДЕГ-ын хөрөнгийг үрэн таран хийсэн хэргээрээ АТГ-ын хаалга татаж байгаа гэнэ.
“Өргөн түмнийхээ буянаас өнчин ишиг ч дутаахгүй” гэж тангараг өргөн УИХ-ын сонгуульд нэр дэвшиж байсан АН-ынхан ийнхүү сонгуулийн санал хураалт ч эхлээгүй байхад тараа таниулж эхэллээ.
Б.Умард
|