АН-ынхан МАХН-ын батламжийг хуурамчаар үйлдэж тараахаа зогсоохгүй байгаа тул иргэд сэрэмжтэй байна уу

Шинэчлэгдсэн: 2008-06-27 16:41:41 УБ

МАХН УИХ-ын сонгуульд олонхи болбол “Эх орны хишиг” сангаас иргэн бүрт 1,5 сая төгрөг олгоно хэмээн нийт айл өрхүүдэд өрхийн гишүүдийн тоогоор батламж тарааж байгаа. Энэхүү 1,5 сая төгрөг олгох асуудал нь иргэдийн сонголтоор баталгаажих юм.


АН-ынхан харин энэхүү батламжийг үнэгүйдүүлэхийн тулд МАХН-ын тарааж буй батламжийг болхидуу байдлаар дууриалган нэгэн хэвлэх үйлдвэрт олон мянган хувиар хэвлүүлж энэ сарын 25-26-нд шилжих шөнө нийслэлийн гудамж, талбай, орцонд хаясан байсан. Ойрын аймгуудад тараах мэдээлэл ч МАХН-д ирсэн юм. Тэдний энэ арчаагүй үйлдлийг эсэргүүцэн МАХН-аас хэвлэлийн бага хурал зарлаж ард иргэддээ АН-ын иймэрхүү бусармаг, аргаа барсан явдалд итгэхгүй, сонор сэрэмжтэй байхыг уриалсан. АН-ынхнаас ч адал балмад, бүдүүлэг явдлаа зогсоохыг хатуу шаардаж, шүүхэд хандахаа мэдэгдсэн.
Гэвч АН-ынхан Хэнтий, Баянхонгор, Өмнөговь зэрэг аймагт МАХН-ын нэрээр хуурамч батламж тараах, гудамж талбайд хаях зэрэг увайгүй үйлдлээ үргэлжлүүлсээр байгаа ажээ. Харин тэдний энэ үйлдлийг иргэд ихээхэн дургүйцэн хүлээж авч байгаа юм байна. МАХН-аас ч АН-ынхан МАХН-ын “Эх орны хишиг” сангийн 1,5 сая төгрөгийн батламжийг хуурамчаар үйлдэн тараахаа зогсоогхүй байгаа тул ард иргэддээ сэрэмжтэй байхыг сануулж байна.

Хэсгийн хорооны нарийн бичгийн дарга сонгогчдын нэрсийн жагсаалт хулгайлж байгаад үйлдэл дээрээ баригджээ

АН-аас сонгуулийн хэсгийн хороодод орж ажиллаж байгаа иргэд төрийн ажлыг шударга хийхээсээ илүү намын эрх ашгийн төлөө ажилладаг нь батлагдсаар байна. Тухайлбал, өчигдөр нийслэлийн Сонгинохайрхан дүүргийн 26 дугаар тойргийн 8 дугаар хэсгийн хорооны нарийн бичгийн даргаар АН-ын төлөөлж ажиллаж байгаа Зоож хуулиар хориотой сонгогчдын нэрсийн жагсаалтыг хулгайлан намынхаа нөхдөд гаргаж өгөх гэж байгаад үйлдэл дээрээ баригджээ. Түүний хэргийг цагдаагийн байгууллага шалгаж байгаа юм байна.