Эрдэнэбулган найруулагчтай “Чингис хаан” группынхэн кино хальсаараа шатаж, Өвөрмонгол хамтрагчдынхаа хөлсийг төлж чадалгүй хоёр тийш болжээ

Шинэчлэгдсэн: 2007-01-16 11:36:28 УБ

Монголын киночдын хувьд өнгөрсөн 2006 он Чингэс хаанаар өвчилсөн жил болж өнгөрөв. Кино урлагийн дээд сургуулийн захирал Ж.Солонгын найруулсан кино дэлгэцэнд гарсан ч магтаал зэмлэл хоёрын алиныг нь ч хүртэж амжилгүй мартагдах тийш хандав.

И.Нямгаваа захиралтай “Нямгаваа кино продакшн”-ы япончуудтай хамтарч хийсэн “Бөртэ чоно” кино энэ сарын 19-нд Монголд албан ёсны нээлтээ хийхээр болж Японы кино группийнхэн, продюссер Харуки Кадакова нар Монголд хүрэлцэн ирээд байна. 20 сая ам.долллараар бүтсэн “Бөртэ чоно” кино группийнхэнд Засгийн газар 600 сая төгрөг өгсөн нь дэгэсдүүлж хэлбэл тус кино группийнхэнд халаасны л мөнгө. Харин 1 тэрбум төгрөгөөр “Чингэс хаан” кино хийхээр цээжний хонжоо хийж суусан Эрдэнэбулган ахлагчтай кино. группийнхэнд төрөөс өгсөн 400-гаад сая төгрөг амь тариа болсон нь тодорхой. Их монгол улс байгуулагдсаны 800 жилийн ойгоор хамгийн их эрэл хайгуул хийсэн хүн бол БСШУЯ-ны соёлын зөвлөх асан, найруулагч Эрдэнэбулган. Америк, Солонгос, Өвөрмонголчуудтай хамтрахаар тохиролцсон ч хөрөнгө оруулалтаа шийдүүлж чадаагүй буцсан Эрдэнэбулган майруулагч гар хоосон ирж ард түмнээсээ хандив гуйн улаан гараар шахам ажилдаа орсон. Харамсалтай нь Эрдэнэбулган найруулагчийн ажил дахиад л бүтэлгүйтжээ.

Учир нь Хэнтий аймагт авсан намрын зураг авалтын хальс нь чанарын шаардлага хангахгүй зарим хэсэг нь хоосон, тал хагас нь манантсан мэт бүүдгэр болсноос киночдьт хөлс, хүчээ шавхсан их ажил нурахад хүргээд байгаа гэнэ. Уйлах багадаж, инээх ихэдсэн киночид зургаа нөхөж авах тухай ярьж байгаа аж. 11 сарын 26 буюу улс тунхагласны их ойгоор киноныхоо нээлтийг хийнэ гэж мэдэгдэж байсан Эрдэнэбулган найруулагчтай “Чингэс хаан” кино группийнхний “Чингас хаан” кино мөддөө дэлгэцэнд гарахгүй нь бололтой. Эрдэнэбулган найруулагчтай хамтрахаар 20 мянган ам.доллар халаасалж ирээд Монголоос хөөгдсөн Оросын нэрт найруулагч Сергей Бодров Өвөрмонголчуудтай хамтран “Муухай-монгол хүн” зохиолоороо Чингэсийн тухай кино хийж байгаа. Аргаа барсан найруулагч Эрдэнэбулган Өвөрмонголчуудаас бадар барьж тусгай группийг техник хэрэгсэлтэй нь залж авчирсан ч тусыг эс олсон гэнэ.

Эрдэнэбулган найруулагч Өвөрмонгол түншүүдийнхээ хөлс мөнгийг бүрэн төлж чадаагүйгээс хамтрагчид ч ам муруйгаад авч. Өндөр үнээр худалдаж авсан хальс нь ямар шалтгаанаар шаардлага хангахгүй болсон нь одоогоор тодорхойгүй байгаа аж. Эрдэнэбулган ахлагчтай кино группийнхэн энэ сарын хорьдоор буюу өвлийн зураг авалтанд гарахынхаа өмнөхөн хэвлэлийн бага хурал хийж, ажлаа тайлагнах бөгөөд энэ үеэр өөрсдөдөө учраад байгаа хүндрэлүүдийн шалтгааныг тоочих гэнэ. “Чингас хаан” кино группийн хэвлэл мэдээллийн албанаас энэ талаар ямар нэгэн тайлбар хийх боломж одоогоор алга гэсэн хариу өгч байгаа бөгөөд кино группийнхэнд дотроосоо мэдээлэл задруулахыг найруулагч нь хориглоод байгаа гэнэ.

Сэрүүлэг /2007.1.16/

hi

burkhan tand amjilt avchrag.. gehdee ter halisniikhaa hadgalalt ashiglaltiin hugatsaa
n duusaaguin bol nokhon toluulekh buren erkhteishd.. yag tsever halisnaas shaltgaalsn
n brg todorhoi.. mnii huvid mnai operatoruudiin mergejiliin ur chadvart ergelzekhgui
bna.. negent oroitson ch ali bolokh chanartai um hiigeerei.. mongonii kinonuud
ikhdeed mgliin kino urlag ketsuudej bgaa yed uul n urt naslakh um hiivel.. mash ikh
amjilt shuu..