Banjig.Net

Өнөөдөр Монголд кино урлаг шинэ тулгар хөгжиж, түүхийн шинэ хуудсыг эргүүлж байна. Маш олон уран бүтээлүүд шил шилээ даран мэндэлж, үзэгчиддээ баяр хөөр, ухаарал харуусал бодролыг авчирч байгаа билээ.

Тэдгээр шинэ уран бүтээлүүд гадаадад байгаа Монголчуудад албан ёсоор хүрэлгүй байсаар өнөөдрийг хүрсэн.

Тэгвэл Банжиг.Нээтийн хамт олон гадаадад буй Монголчууддаа зориулан кино булангаа шинэчлэн сайжруулж, Монгол киноны онлайн танхимыг ашиглалтад орууллаа.

Ингэснээр уран бүтээлчид шинэхэн уран бүтээлүүдээ цаг алдалгүй та бүхэнд хүргэх боломжтой болж байгаа юм.

Энэхүү Банжиг кино танхимд та шинэ соргог уран бүтээлүүдийг цаг хугацаа оронзайн хамааралгүйгээр шимтэн үзэхээс гадна уран бүтээлчид, үзэгчидтэй өөрийн санал бодлоо хуваалцах боломжийг гаргаж өгсөнөөрөө онцлог болж байгаа.

Банжиг кино танхим шинэчлэгдсэн хувилбараар 2009 оны 3 дугаар сар 25-ны өдөр та бүхний өмнө нээгдэх болно.

Нээлтэндээ 2009 оны цоо шинэхэн уран бүтээл болох "Хүрэлдэй-Их хааны элч", 2008 оны Улаанбаатар кино наадмын шагналт "2 шөнө 3 өдөр" уран сайхны кинонуудын нээлтийг хийхэд бэлэн болоод байна.

Бид Монгол уран бүтээлчдийнхээ оюуны бүтээлийг ямагт хүндэтгэн өөрсдийн үйл ажиллагаандаа тусган ажиллаж ирсэн.

Үүний дагуу уран бүтээлүүдийг түгээхдээ уран бүтээлчдийн өөрсдийх нь үнэлгээ зааврын  дагуу байршуулан та бүхэнд хүргэж буйгаа хэлэхэд таатай байна.

Та Банжиг кино танхимыг сонирхох бол http://video.banjig.net хаягаар орж сонирхоорой.

Монголын кино урлаг улам хөгжин дэвших болтугай.