Орхон бүрэн дунд сургууль

Орхон бүрэн дунд сургууль нь Орхон их сургуулийн захирал, хэл шинжлэлийн ухааны доктор (Ph.D), профессор Н.Хажидсүрэнгийн санаачлагаар 2000 онд үүсгэн байгуулагдсан. 

   Материаллаг бааз:

• Орхон бүрэн дунд сургууль нь  1 ээлжээр 500 гаран хүүхэд хичээллэх боломж бүхий өөрийн байртай. /Шинээр нэмж барих барилгын зураг төслийн ажил хийгдэж дууссан./
• Багш нарын 85 орчим хувь нь зөвлөх, тэргүүлэх, арга зүйч, магистр зэрэгтэйгээс гадна англи хэлний нэг Америк багштай.
• 5000 гаран номын фондтой номын сангаар үйлчлүүлэх боломжтой.
• Гадаад хэлний хичээлүүд лингафоны кабинетэд явагдана.
• Мэдээлэл зүйн хичээл дээр хүүхэд бүр интернэтийн сүлжээнд холбогдсон компьютер хэрэглэх боломжтой.
• Сурагчдад хөдөлмөр болон гоо зүйн хүмүүжил олгох зорилгоор хөдөлмөр сургалт, зургийн кабинетуудыг тохижуулсан.
• 6 настангуудын анги тусдаа тоглоомын өрөө болон бие засах газартай.
• Өдөр өнжүүлэх бүлэг ажиллах тул сурагчид сургууль дээрээ өдрийг өнгөрүүлэх боломжтой.
• Илчлэг, чанар сайтай хямд хоолоор үйлчлэх цайны газартай.
• Автобусаар үйлчилнэ.
  
• Орхон бүрэн дунд сургуулийн дээр дурьдсан материаллаг баазаас гадна сурагчид Орхон их сургуулийн бүх тоног төхөөрөмж, урлаг спортын зал, 80 сая төгрөгийн үнэ бүхий 30000 номын фондтой номын сан, лингафоны 2 танхим, компьютерын 3 лаборатор зэргээр үйлчлүүлэх бүрэн боломжтой.
  

Сургалт, үйл ажиллагаа: 

• 1-11-р ангид математик, англи хэлний хичээлийг гүнзгийрүүлэн судлана.
• Нэг анги 15-20 сурагчтай.
• Шинээр элсэн орж байгаа сурагчдын сурлагын төвшинг тогтоож, тухайн хичээлийн жилд хүргэж чадах сурлагын төвшинг шинээр тодорхойлон эцэг эх, багш, сургууль гэсэн гурвалсан гэрээг байгуулж хамтран ажиллана.
• Сурагч бүрд хүрч ажиллахыг эрхэм зорилгоо болгож, хичээлийн хоцрогдолтой сурагчдад давтлага, нэмэлт хичээлүүдийг хэсэгчилсэн байдлаар үнэ төлбөргүй олгоно.
• Сурагчдад гүнзгийрэн судалж буй хичээлээр нь давтлагуудыг тогтмол үнэ төлбөргүй олгоно.
• Сурагчдыг дүүрэг, хот, улсын хэмжээний олимпиад, уралдаан тэмцээн, түүнчлэн ахлах ангийн сурагчдыг нэгдсэн шалгалтанд өндөр төвшинд бэлтгэн оролцуулахын төлөө зүтгэн ажиллана.
• Сурагчдын дунд онол практикын бага хурлуудыг тодорхой сэдвээр үе шаттайгаар жил бүр явуулдаг.
• Хотын хэмжээнд геометрийн стандартын түргэн бодолт, гар зургийн уралдааныг жил бүр уламжлал болгон зохион байгуулдаг.
• Сурагчдынхаа авъяас чадварыг нээн хөгжүүлэх, төлөвшүүлэх,  чөлөөт цагийг зөв боловсон өнгөрүүлэх зорилгоор аэробэк, бүжиг, төгөлдөр хуур, даам шатар, теннис, сагсан бөмбөг, хувцас дизайн, гар зургийн дугуйлангууд хичээллэнэ.
• Орхон бүрэн дунд сургуулийн төгсөгч нь Орхон их сургуулийн бакалавр, магистр, докторын сургалтанд шатлан суралцах боломжтой.

“ОРХОН” бүрэн дунд сургуулийг 2007-2008 онд төгссөн төгсөгчдийн нэгдсэн шалгалтын нийлбэр онооны дундаж дүн дүүргийнхээ хэмжээнд 1-р байрт шалгарсан нь бидний томоохон бахархал юм. /2008-2009 оны төгсөгчдийн нэгдсэн шалгалтын дүнг дүүрэг, хотын хэмжээнд жагсаасан дүн хараахан гараагүй  болно./

СУРГАЛТЫН ТӨЛБӨР

Бусад хувийн хэвшлийн дунд сургуулиудын сургалтын төлбөртэй харьцуулахад хямд буюу 520000 төгрөг Хөнгөлөлтүүд 9 сарын 10-ны дотор төлбөрөө төлвөл: 10% Нэг айлын 2 хүүхэд суралцвал: нэг хүүхэд нь 10% Нэг айлын 3 хүүхэд суралцвал: нэг хүүхэд нь 15% Дүүрэг, хот, улсын хэмжээний олимпиадуудад амжилттай оролцсон сурагчид сургуулийн удирдах зөвлөлөөс баталсан зохих журмын дагуу төлбөрөөс тодорхой хувиар хөнгөлөгдөнө. /Дээрх хөнгөлөлтүүд давхцахгүй./

ХАЯГ
Хан-Уул дүүрэг, Чингисийн өргөн чөлөө, Ш/х-176, Улаанбаатар 210136 (Хан-Уул дүүргийн тамгын газрын байрны зүүн талд) Утас: +976-11-345547, +976-70110655, +976-99092104 Факс: +976-11-341276 И-майлl: info@orkhon.edu.mn Вэб: www.orkhon.edu.mn