Хүмүүнлэгийн Ухааны Их Сургуулийн Сэтгүүл зүй, медиа технологийн тэнхимээс жил бүр "Уйдах завгүй оюутан нас" яруу найргийн наадмыг зохион байгуулдаг. Энэ удаа тус сургуулийн 30 жилийн ойг угтан, ес дэх удаагийн уралдааныхаа хүрээг өргөтгөж яруу найраг, гэрэл зургийн гэсэн хоёр төрлөөр оюутан залуусын ур, ухааныг сорихоор болжээ.

Яруу найргийн наадам хоёр үе шаттай явагдах гэнэ. Эхний шатанд оролцогч хоёр бүтээлээ илгээх бөгөөд шалгарсан 25 найрагч наадамд шүлгээ унших гэнэ. Харин гэрэл зургийн төрөлд оролцох оюутан өөрийн нэг бүтээлээ ирүүлэх бөгөөд тэдний зургаар үзэсгэлэн гаргаж олны хүртээл болгох аж.
Наадам аравдугаар сарын 30-нд Хүмүүнлэгийн Ухааны Их Сургуулийн байранд болно. Шилдэг оролчогчдыг шалгаруулан 40,000, 60,000, 80,000 төгрөгөөр оюутан та биднийг шагнах гэнэ. Дэлгэрэнгүй мэдээллийг 99248212 дугаараас авч боломжтой.