2009 оны 10-р сарын 11-нд Дорно Говь аймгийн Сайншанд хотод Мастер Кроссын ээлжит ураалдаан Төмөрт Транс ХХК нэрийн дор амжилттай зохион байгуулагдсан билээ. Энэ удаад 30 орчим тамирчид оролцож Ш.Гомбо-Дорж энэ жилийн одтой байгаагаа дахин батлаж тэргүүлсэн билээ. Уламжлалт дүрмийн дагуу 3 хэсэг гараа хийж эхний гараанд Д.Болдбаатар,  3-р гараанд Ш.Гомбо-Дорж нар тус тус хэсэгтээ тэргүүлж энэ удаагын тэмцээнд хүчтэй байгаагаа харуулсан билээ. Хэдийгээр хол газар болж зохиогдсон хэдий ч мастер цолтонгууд олноор хүрэлцэн ирсэн юм. Тодорхой шалтгааны улмаас сүүлийн тэмцээнүүдэд өнжөөд байга 2 мастер тамирчид болох С.Эрдэнэ-Чулуун, П.Дарханжаргал нараас бусад нь оролцсон гэж ойлгож болно.

3 гараанаас шалгарч финалд оролцох тамирчдын нэрс гархад бараг бүх шилдгүүд л тунж үлдсэн байлаа. Финалын уралдааны 10 тойргын турш маш ширүүн өрсөлдөөнтэй болж эхний шагналт 8 байрны тамирчдыг шалгаруулах байсан нь ч тэмцээнд өрсөлдөөн нэмж байсан юм. Ингээд сүүлийн тойрог дуусч алаг тугны эхний салхийг Ш.Гомбо-Дорж хагалж түүний араас Болдбаатар, Баасансүрэн нар удаалсан юм. Энэ тэмцээнд түрүүлснээрээ Гомбо-Дорж жилийн улсын аваргын цолыг 2 дахь удаа авах нь бараг тодорхой болсон билээ. Баттай эх сурвалжаас дараагын удаа зохиогдох ойрийн тэмцээнүүдэд Мастеруудын холбооны бүх л мастер тамирчид нэгэн зэрэг оролцож өрсөлдөх төлөвтэй байгаа мэдээллийг хүргэхэд таатай байна.